الفيلم الإيطالي malena مالينا

Malena

فيلم من أعظم الأفلام لي شفتها بحياتي وهوي فيلم مشتىرك إيطالي-أمريكي  تم تصويره بإيطاليا وصدر عام 2000 وحصل علی الجائزة الكبری بمهرجان كابورغ السينمائي عام 2001

هادا  الفيلم من بطولة الملكة مونيكا بيلوتشي ( مالينا ) و جوزيبي سيلفارو ( ريناتو )

نصنيف الفيلم كوميديا دراما ، رومنسي

قصة الفيلم :
الفليم بيجسد الفترة لي كانت إيطاليا فيها تحت حكم موسوليني ، ريناتو مراهق ببدايه حياته، بيوقع بغرام مالينا لي بتكون أكبر منه بكتيير وبتكون أجمل أمرأه بالمدينه بأكملها و متزوجة كمان وزوجها بيكون جندي من جنود موسوليني وبيكون وقتها بالحرب بمنطقة ما بشمالي أفريقيا وبتكون مالينا أمرأه منعزلة عن باقي الناس  بحكم أنها كل عمرها عايشة بقريه صغيرة وبتنتقل عالمدينه بعد زواجها وفجأة زوجها بيتركها وبيسافر للحرب وكل نساء المدينه بتكون بتكره مالينا بشكل كتير كبير بحكم أنها أمرأه عايشة لوحدها و ...... ، بينما كل رجال المدينه بيحبوا مالينا لأنها أجمل أمرأه وبتلفت أنظار كل الناس لما تمر بالشارع وبتبلش تتصاعد الأحداث بالفيلم بعد ما زوج مالينا ينقتل بالحرب وانقطاع  الأموال عنها بعد وفاة زوجها وبتبدا الحياه تصير قاسيه بوجهها وبيبلش سكان المدينه يعادوها وما حدا من سكان المدينه بيوافق يشغلها أو يأمنلها عمل وغير السمعة السيئى لي بيتهموها فيها

صراحة المسلسل روعة بكل ما للكلمة من معنی تتالي الأحداث والحبكة وتمثيل مونيكا خارق صحيح قليل لحكت بالمسلسل بس تعبيرها عن المواقف  لي بتمر فيها حلو كتير ونهايه ما كنت متوقعا بالخالص
هدول الجمل لي رح أكتبهن هلق رح تعبر عن رأيي بالفيلم بس ما لقيت طريقة لأربطهن ببعض >>
غضب الشعب لي بتتعرضله هوي لي حولها لهادا الشكل البشع من البشر لي منشوفو بنص الفيلم >
الأكاذيب والتراهات لي بيحكيها الناس هيي سبب رئيسي للظلم لي تعرضت إلو وعانت منو بالفيلم >
مالينا كانت إنسان متل أي شخص تاني بالمجتمع  بس عيبها الوحيد أنها كانت جميله وما كان في حدا حتی يدافع عنها

الفيلم بيحوي لقطات +18 بشكل كتير كبير وضخم وهادا كان عيب الفيلم الوحيد برأيي 

تقييم الفيلم
Imdb : 7.5

تقييم شخصي : 9.5