فيلم the Irishman الإيرلندي

The Irishman

فيلم صدر عام 2019 من إنتاج NETFLIX ومن بطولة الممثلين العظماء  ( روبرت دي نيرو ) بدور فرانك شيران و ( آل باتشينو ) بدور جيمي هوفا و ( جو بيشي ) بدور راسل بفالينو

مدة الفيلم : 210 دقائق اي حوالي ثلاث ساعات ونصف 😮😮😮( بعرف طويل كتير بالنسبة لفيلم بس في حل لهل موضوع اخر شي )

تصنيف الفيلم : سيرة ذاتية-دراما-جريمة

بتدور قصة الفيلم حول فرانك شيرن لي بيعمل كسائق شاحنة و بعد كذا عمليه سرقة لمحتويات الشاحنة بتقوم الشركة لي بيعمل لديها برفع دعوة قضائية عليه فبيقوم فرانك بتعيين محامي للدفاع عنه وبينجح هادا المحامي بالدفاع عنه وبيتعرف عن طريق هادا المحامي علی راسل بفالينو لي بيكون سيد المنطقة لي عايش فيها وما في شي بيتم من دون  إذنه وبيكون بيملك طريق الشاحنات لي بيمر فيه فرانك وبعد فترة من تعرفه عليه بيبدا فرانك بالعمل لديه بمختلف الأعمال ( قتل - سرقة -نقل - تهديد) ببساطة كل شيء وبتصير بينهن صداقة قوية كتير ك شخص و ك عائله و بعدم فترة من الزمن بيطلب جيمي هوفا من راسل شخص كفوء وقوي لحتی يحل مشاكل الخاصة فيه وبيكون جيمي رئيس اتحاد نقابة شاحنات وبيكون ثاني أقوی شخص بعد رئيس الولايات المتحدة بفترة الخمسينات والستينات فبيقوم فرانك بحل جميع مشاكل جيمي و كمان بتربطة معة صلة صداقة قوية كتير وحتی أبناء و بنات فرانك حبو جيمي بشكل كبير وخصوصا الصغيرة ( بيغي ) و بيصير فرانك يعمل مع التنين جيمي و راسل بس في ظروف بيتعرض إلها جيمي بتحبره يدخل عالسجن لفترة من الزمن و بيخسر رئاسة اتحاد نقابة شاحنات و بيحاول بشتی الطرق يستعيد الرئاسة بمساعده فرانك وهادا الشي أدی لحدوث مشاكل كبيرة كتير ....

صحيح الفيلم طويل والممثلين مبدعين بأدوارهن  و الفيلم سيرة ذاتية يعني بيحكي قصة حياة فرانك من بداية تعرفة عای راسل وعمله معه حتی موته بس الفيلم  ممل شوي حتی ولو كان قصير انا هيك حسيت ( رأيي شخصي ) بس حتی تقدر تشوف هادا الفيلم وتفهمة بشكل ممتاز لازم تكون شايف مجموعة أفلام قبل ما تبلش فيه
من هدول المجموعة ( Godfather 1&2&3 )و ( hoffa 1992 ) و ( casino 1995 )

تقييم imdb : 8.3
تقييم شخصي : 8

صراحة هادا النوع من الأفلام لي بيحكي عن الخمسينات و الستينات ما بحبهن كتير 😬

مشان مدة الفيلم هي الصورة رح تحل المشكلة بتحويل الفيلم لمسلسل من 4 حلقات 👇👇