Forrest Gump
فيلم صدر عام 1994ومن بطولة المطلقة للملك توم هانكس بدور ( فورست غامب ) و روبين رايت بدور ( جيني كوران ) و هادا الفيلم مبني على رواية تحمل نفس الاسم
مدة الفيلم : 142 دقيقة اي ساعتين و عشرين دقيقة
تصنيف الفيلم : دراما - كوميديا
قصة الفيلم بتدور حول الطفل فورست غامب لي بيولد بمعدل ذكاء أدنی من الحد الطبيعي ب نصف درجة هي بتعتبر أول مشكلة بيواجها فورست بحياته لكن أمه لي بتحبه مستعده تضحي بكل شي من أجل ابنها فتوجد حلا لهذه مشكلة فيتم قبوله بالمدارس النظامية لكن ما كان يميز فورست عن غيره من البقيه هوي قدرته علی الركض بشكل كبير و سريع جدا و خلال صغره بيتعرف علی جيني لي هيي حب حياته فبيكمل مدرسته مع جيني و بروح ع الكليه مع جيني لكن قبل دخوله الكليه بيكتشف مدرب قدرته الكبيرة علی الركض وبيصير ضمن فريق كرة القدم الأمريكية لي بيعتمد بشكل كبير علی قدرة الشخص علی الركض و بيحقق نجاحات كبيرة بهادا الفريق بدون علمه إما بعد ما بيتخرج من كلية بيلتحق بالجيش و بيشارك بحرب فينتنام و بيستغل قدرته علی الركض بإنقاذ رفاقه بالجيش لكن بيتصاوب و نتيجة هي الإصابه بيرجع علی وطنه وبيبدا يشتغل شغل جديد بيحوله هادا الشغال ل مليونير و غازيليونير ( حسب حكيه ) ...... و احلی الاحداث تركتها حتی تكتشفها وأنت عم تتفرج
قصة الفيلم حلوة كتيير كتير بشكل غير طبيعي لان كل الناس حبتها وقصة الفيلم ببساطة بتحكي عن فورست من بداياته حتی شبابة و كيف صار غني و كيف كل مرة بيقابل رئيس و بعدها بكم يوم بينقتل هادا الرئيس 😂😂
الفيلم بيحوي كتير من الكوميديا و الدراما بشكل كتير كبير وحلو نصيحة شاهد الفيلم لأنه رح يكوم من أجمل الأفلام لي رح تشوفها بحياتك و هدول الساعتين رح تتمنی يكونو عشر ساعات ❤❤❤
والفيلم قد حصل علی 6 جوائز أوسكار ❤❤
**فيه لقطة اباحية صغيرة ببداية الفيلم بس وحتی مو لقطة بس عبارة عن صوت صغير لكم ثانيه **
تقييمات :
Imdb : 8.8
شخصي : 9.3
تعليقات
إرسال تعليق